سەڵاحەدین دەمیرتاش هاوسەرۆکی هەدەپە، کە بە تۆمەتی پڕوپاگەندەکردن بۆ پەکەکە لە یەکێک لە گوتارەکانی لە شارۆچکەی میدیاتی سەر بە پارێزگای ماردین دادگایی کرا، بێتاوان دەرچوو.


دادگای میدیات، لە دووەم دانیشتنی دادگاییکردنی دەمیرتاش کە پارێزەرەکەی ئامادە بوو، سەبارەت بە تۆمەتی پڕوپاگەندەکردن بۆ پەکەکە لە یەکێک لە گوتارەکانی لەو شارۆچکەیە بێتاوانی دەمیرتاشی سەلماند.


دادگایی میدیات رایگەیاند کەوا بەهۆی ئەوەی بەڵگەی پێویست نەبووە لەسەر ئەو تۆمەتەی خراوەتە پاڵ دەمیرتاش، ناوبراو بێتاوانە.
bas news-