بەهۆی هێرشی ڕێکخراوی توندڕەوی داعش بۆ سەر گەڕەکێکی شاری مووسڵ، ڕۆژنامەنووسێکی کورد بریندارە کە ئێستا لە قۆناغی مەترسی دەرچووە.

محەمەدتاهیر زێباری، برای عەبدولحەمید زێباری، ڕۆژنامەنووس و پەیامنێری کەناڵی (ئەلحوڕە)، ڕایگەیاند: “دوێنێ لە شاری مووسڵ و لە مەزارگەی (نەبی یونس)، داعش لە ڕێگەی فڕۆکە بێ فڕۆکەوانەکانیەوە بۆردومانی ئەو ناوچەیان کردووە و بەو هۆیەوە عەبدولحەمید زێباری و کارمەندێکی دیکەی کەناڵەکە بەسەختی بریندار بوون”.

ئەوەشی ڕوون کردەوە کە ئێستا براکەی لە نەخۆشخانە لەژێر چاودێریی پزیشکیدایە و لە قۆناغی مەترسی دەرچووە و ڕەوشی تەندرووستی باشە.

هەر لەمبارەیەوە عەممار ساتع، کارمەندی کەناڵەکە لە نووسینگەی هەولێر ڕایگەیاند: “عەبدولحەمید زێباری دوای برینداربوونی، دوێنێ لەژێر چاودێریی چڕدابوو، بەڵام ئەمڕۆ لە مەترسی دەرچووە و ڕەوشی تەندروستی ڕوو لە باشییە”.





باسنیوز