سەرەڕای پێویستیی کەیوان کەریمی، دەرهێنەری دەستگیرکراوی کورد، بە چارەسەریی پزیشکی، ئەو هونەرمەندە لەلایەن بەرپرسانی بەندیخانەی ئێڤینەوە لە هەموو خزمەتە پزیشکییەکان، بێبەش کراوە.

بەپێی هەواڵی ماڵپەڕی مافی مرۆڤی (هەنگاو) کەیوان کەریمی، دەرهێنەری خەڵکی بانە کەلە بەندی ٨ ی بەندیخانەی ئێڤین ڕاگیراوە، سەرەڕای ئەوەی کەلە ماوەی یەک مانگی ڕابردوودا سییەکانی چڵک و تووشی خوێنبەربوون بووە، لە چارەسەریی پزیشکی بێبەش کراوە.

ماڵپەری (هێرانا) لە ڕاپۆرتێکدا بڵاوی کردووەتەوە کە پزیشکەکانی بەندیخانە لەو کاتەوە لەو بەندیخانە ڕاگیراوە، چەندین جار بە بۆنەی چڵک و خوێنبەربوونی سییەکانییەوە، ویزیتیان کردووە و ڕایانگەیاندووە کەیوان ێویستی بە چارەسەری جیدیی پزیشکییە و دەبێ بچێتە نەخۆشخانە، بەڵام تا ئێستا هیچ هەوڵێک لەلایەن بەرپرسانی بەندیخانەوە نەدراوە.

کەیوان کەریمی لە ماوەی نەخۆشییەکەی لە بەندیخانەدا تەنیا دەرمانی هێورکەرەوەی ئازاری لە بنکەی تەندرستیی زیندان وەرگرتووە و هیچ چارەسەریەکی جیددی لە پەیوەندی لەگەڵ نەخۆشیەکەی بۆ نەکراوە.

کەیوان کەریمی، پاییزی ئەمساڵ دوایی بانگهێشتکردنی بۆ دادگای موقەدەسی بەندیخانەی ئێڤین، دەستبەسەر و بۆ تێپەڕاندنی ماوەی سزاکەی ڕەوانەی بەندیخانە کرا.

ئەو سینەماکارە کوردە پێشتر بەهۆی بەرهەمهێنانی فیلمێک لەژێر ناوی "نووسین لەسەر دیوارەکانی شار”"بە تۆمەتی پڕوپاگەندە لەدژێ ئێران و سووکایەتی بە پیرۆزییەکانی کۆماری ئیسلامیی ئێران، حوکمی ٦ ساڵ زیندان و لێدانی ٢٢٣ قامچی بەسەردا سەپابوو.

ئەو حوکمە لە دادگای پێداچوونەوەدا، بۆ یەک ساڵ زیندان و ٥ ساڵ زیندانی هەڵپەسێردراو، هەروەها لێدانی ٢٢٣ قامچی کرم کرایەوە.






باسنيوز