دهۆك ..دەلیڤێ كاری بۆ هزار گەنجان دێ هێتە دیتن
ئەفرام ئەبلحەد، رێڤەبەرێ دەزگەهێ رەوانگە ل دهۆكێ دیاركر:" دەزگەهێ رەوانگە دێ دەلیڤێ كاری بۆ زێدەتر ژ هزار گەنجان دابین كەت ب رێیا رێكخراوەكا ئەلمانی ئەو ژی پشتی گەنج دهێنە مەشقدان ل پرۆژی راهێنانا پێشەیی. ئەڤ پرۆژە دێ یێ بەردەوام بیت بۆ ماوێ سێ سالان. ل پارێزگەها دهۆكێ دێ هەژمارەكا زۆر گەنجێن ئاوارە و پەنابەر ژی پرۆژێ دا مفاداربن.
خۆیا ژی كر گەنجێن هەموو قەزا و ناحیە و گۆند و كۆمەلگەهێن سەر ب دهۆكێ ڤە دێ پێشكداریێ پرۆژی دا كەن. پشتی ماوی مەشقدانی دووماهیی دهیت دێ هەولدان هێنە كرن دگەل كومپانیێن ناڤدار كاربكەن ببنە خۆدان مۆچە ل كەرتی تایبەت. ئەڤە پێنگاڤەكا زۆر باشە بۆ بارێ ئابۆری گەنجان.
باسنیوز
