كۆنگرێسمانێكی ئهمریكی: لهناو كۆنگرێسدا ژمارهیهكی زۆر ئهندام ههن هاوسۆزی دۆزی كوردن
ئهمڕۆ یهكشهممه "مهسرور بارزانی" راوێژكاری ئهنجوومهنی ئاسایشی ههرێمی كوردستان له میانهی پێشوازیكردنی له "ئادهم شیف" ئهندام كۆنگرێسی ئهمریكا رایگهیاند، بهشداری كارای ئهمریكا له مهیدانی سیاسهتی ناوچهكه بهشێكه له چارهسهرو دهبێته فاكتهرێكی گرنگی سهقامگیری و روبهڕووبوونهوهی تیرۆر له ناوچهكهدا، لهبهرامبهردا ئادهم شیف رایگهیاند، لهناو كۆنگرێسدا ژمارهیهكی زۆر ئهندام ههن هاوسۆزی دۆزی كوردن و به یهكێك له هاوپهیمانه نزیكهكانی ئهمریكا لهناوچهكهدا وهسفی دهكهن.
له دیدارێكدا گفتوگۆ لهبارهی فرهوانكردنی هاوكارییهكان و ئۆپهراسیۆنی رزگاركردنی مووسڵ و ئایندهی پهیوهندی نێوان ههولێر و بهغدا كرا و دووپات له بهردهوامی پهیوهندی پتهوی نێوان ههرێمی كوردستان و ویلایهته یهكگرتووهكانی ئهمریكا كرایهوه، لهوبارهوه مهسرور بارزانی ئاماژهی به رۆڵی ئهمریكا وهك فاكتهرێكی چارهسهر و سهقامگیری دا و رایگهیاند، هاوكاری و ههماههنگی زیاتری نێوان ههرێمی كوردستان و ئهمریكا له داڕشتنهوهی داهاتووی ناوچهكه پێویستییهكی گرنگه.
لهبهشێكی دیكهی دیدارهكهدا تیشكی خسته سهر قۆناغی پاش داعش و نهبوونی متمانه و میكانیزمی داڕشتنهوهی ئایندهی پهیوهندییهكان له ناوچهكه.
لهبهرامبهردا "ئادهم شیف" پێزانینی زۆری خۆی بۆ رۆڵی ههرێمی كوردستان و هێزی پێشمهرگه له شهڕی جیهانی دژ به تیرۆر دهربڕی و رایگهیاند، دهخوازم سوپاستان بكهم بۆ بهشداری و هاوكاریكردنتان له روبهڕووبونهوه و نههێشتنی تیرۆردا، كه رۆڵێكی زۆر كاریگهر و سوودبهخشه.
وێڕای دووپاتكردنهوهی پاڵپشتی و هاوسۆزی خۆی بۆ مافهكانی گهلی كورد بهڵێنی زیاتركردنی یارمهتی و پشتیوانی ئهمریكای له دۆزی كورد دا و رایگهیاند، لهناو كۆنگرێسدا ژمارهیهكی زۆر ئهندام ههن هاوسۆزی دۆزی كوردن و به یهكێك له هاوپهیمانه نزیكهكانی ئهمریكا لهناوچهكهدا وهسفی دهكهن.
payamner-
