فهرماندهیهكی سوپای پاسدارانی ئێران: بوونی زیاتر له 30 كونسوڵخانه و نوێنهرایهتی له ههرێمی كوردستان ناسروشتییه
سەبارەت بە بوونی قونسوڵگەری شانشینی عەرەبی سعودییە لە ھەولێر ، ئەو فەرماندەیەی سوپای پاسداران رایگەیاند کە سعودییە ھەوڵ دەدات لە رێگەی ئەو قونسوڵگەرییەی لە ھەرێمی کوردستان کێشەو گرفت بۆ ئێران دروست بکات ، بۆیە داوای کرد کە دابخرێت و روونیکردەوە کە گەلی کوردستان پێویستی بە بوونی قونسوڵگەرییەی سعودییە نییە .
لەلایەن خۆیەوە فەلاح مستەفا بەرپرسی فەرمانگەی پەیوەندیەکانی دەرەوەی ھەرێمی کوردستانی رایگەیاند کە ئێمە لە حکومەتی ھەرێمی کوردستان رێگە نادەین ناکۆکییەکان و کێشەکانی نێوان وڵاتان بۆ ھەرێمی کوردستان بگوازرێتەوە .
روونیشیکردەوە سەرمان سورماوە لەوەی وڵاتانی دراوسێ دەست لە کاروباری ناوەخۆی ھەرێم وەردەدەن ، گوتیشی ئێمە رێز لە پەیوەندیەکانی نێوانمان دەگرین و بەردەوام داواش دەکەین کە بگەین بە پەیوەندی ھاوبەش .
راشیگەیاند کە ھەرێمی کوردستان شەرعیەت و دەستووری خۆی ھەیە و سیاسەتێکی روونی لە گەڵ وڵاتانی دراوسێ و تەواوی جیھان ھەیە ، کردنەوەی قونسوڵخانەکان و نوێنەرایەتییەکان بە ھەماھەنگی نێوان ھەولێر و بەغدا کراونەتەوە ، ئەمرۆش زیاتر لە ٣٠ قونسوڵخانە لە ھەرێم ھەیە لە نێوانیشیاندا قونسوڵخانەی شانشینی سعودییە کە لە ٢٢ی مانگی شوباتی ٢٠١٦ بە فەرمی کرایەوە .
payamner-
