رێڤەبەرێ ناحیا سنوونێ دیارکر ئەڤرۆ 14/1/2017 ل کۆمەلگەھا بۆرک دەڤەرا سنوونێ پەقینەکێ روودایە دئەنجامدا چوار خانیی ھاتنە ھەرڤاندن ودوو زارۆیان ژی گیانی خوە ژ دەستدان و سیی کەسێن دێ ب گرانی برینداربوون.


نایف سەیدو، رێڤەبەرێ ناحیا سنوونی بۆ (باسنیوز) دیارکر: "ئەڤرۆ روودانەکا دلتەزین ل دەڤەری روویدا ھەتا نوکە ئەگەرین روودانی دیارنەبووینە ھندەک دبیژن بومبەکا تیرۆرستان ھاتیە پەقاندن و ھندەک ژی بیژن بوتلەکێ غازی دناڤ مالەکێ دا پەقیا بریارا سوبەھی 15/1 لیژنەک بومبەیان سەرەدانا جھێ روودانی بکەت بۆ زانینا ئەگەران دڤێ پەقینێ دا دوو زارۆک ھاتنە کوشتن و سیی کەسین دێ ب گرانی برینداربوون بۆ نەخۆشانێن دھۆکێ ھاتێنە ڤەگوھاستن".


خۆیا ژی کرکو: "کۆمەلگەھا بۆرک ل رۆژا 19/12/2014 ژ دەستێن تیرۆرستێن داعشێ ھاتینە رزگارکرن ھەتا نوکە پتر ژ ھزار خێزانان یێن ڤەگەریاینە سەر مالێن خۆ ل وێ کۆمەلگەھی سەر ناحیا سنوونی ڤە".
bas news-