بڕیارە سبەی چوارشەممە، لەناو بازاڕی شارەدێی سەیدسادق، کەمپینێک بۆ کۆکردنەوەی ھاوکاری بۆ نەخۆشخانی شێرپەنجە، بە بۆیەکردنی پێڵاوی ھاووڵاتیان، دەست پێبکات.



دیاری ڕەفیق، قایمقامی شارۆچکەی سەیدسادق، بە (باسنیوز)ی ڕاگەیاند: "لەپێناو ڕزگارکردنی ھاووڵاتییەکی توش بوو بەنەخۆشی شێرپەنجە، سبەینێ چوارشەممە 11/1/2017 لەکاتژمێر ١٠ی سەرلەبەیانی، بڕیارە کەمپینی کۆکردنەوەی ھاوکاری بۆ نەخۆشخانەی ھیوای شاری سلێمانی، لەناو بازاڕی شارۆچکەکەمان، بەڕێوەبچێت".



قایمقامی شارۆچکەی سەیدسادق، ئەوەشی خستەڕوو: "دەستپێکی کارەکانمان بە بۆیەکردنی پێڵاوی ھاووڵاتیان دەستپێدەکات و ئەوەش لەپێناوی خزمەتکردنی ئەو نەخۆشانەیە".
bas news-