بەرپرسێ راگەھاندنا فەرماندا شنگال یا پێشمەرگەی کوردستانێ، دیارکر بەری دەمەکێ کیم ل گۆندی کن رووڤی ب دووراتیا 10 کیلومەتران ژ سەنتەری شنگال، ھیزا پشتەڤانیا ئێک و فەرماندا شنگال یا پێشمەرگەی ب ھەڤکاریا فرۆکێن ھەڤپەیمان 10 تیرۆرست کوشتن وزیانێن مەزن گەھشتنە بارەگایێن داعشێ.


خەلەف شڤان، بەرپرسێ راگەھاندنا فەرماندا شنگال یا پێشمەرگەی کوردستانێ، بۆ (باسنیوز) دیارکر: "فرۆکێن ھەڤپەیمان ئەڤرۆ 10/1/2017 ل دەمژمیر 9 ب شەڤ بارەگایێن تیرۆرستان ل گۆندی کن رووڤی تۆپبارانکرن و ھیزا پشتەڤانیا ئیک یا پێشمەرگەی کوردستانێ ژی ب گرانی دەست تۆپبارانکرنا بارەگایێن داعشێ ل گۆندی کن رووڤی کر".


راگەھاندنا فەرماندا شنگال یا پێشمەرگەی کوردستانێ، گوتژی: "دووڤ پیزانینان 10 تیرۆرست ھاتنە کوشتن و ھەژمارەکا تیرۆرستان بریندار ژی بووینە تونیلەکا تیرۆرستان ژی ھاتە ژناڤبرن لێ دیارنەبوویە چەند تیرۆرست د تونیلێ دا ھاتینە کوشتن".
bas news-