پارێزگه‌رێ دهوكێ دیاركرل دووڤ راسپاردێن سه‌روكێ حكومه‌تا هه‌رێما كوردستانێ، نێچیرڤان بارزانی، ژبو چاره‌سه‌ركرنا ئاریشێن ئه‌ردی ل گوندێن برا مه‌سیحیا ل سه‌رانسه‌ری پارێزگه‌ها دهوكێ، لیژنا بلند یا چاره‌سه‌ركرنا ئاریشێن ئه‌ردی ل گوندێن برا مه‌سیحیا جڤینه‌ك دگه‌ل قایمقامێن قه‌زایێن پارێزگه‌ها دهوكێ هاته‌ ئه‌نجامدان.


ئه‌ڤرو 7-12-2016 فه‌رهاد ئه‌مین ئه‌تروشی، پارێزگه‌رێ دهوكێ، دیاركر: "ب ئاماده‌بونا نوینه‌رێن هه‌ردوو گوندێن سێجێ وقه‌شه‌فرێ دان وستاندن تێروته‌سه‌ل ل سه‌ر ئاریشێن ئه‌ردی ل هه‌ردوو گوندێن ناڤبری هاتنه‌ كرن وئاریشه‌ حاله‌ت حاله‌ت هاتنه‌ به‌رچافكرن".


پاش به‌رهه‌ڤبویێن كومبونێ دان وستاندن ل سه‌ر ئاریشێن دی ل قه‌زایێن پارێزگه‌هێ كرن وحاله‌ت حاله‌ت هاتنه‌ به‌رچاڤكرن دگه‌ل دیاركرنا رێكێن چاره‌سه‌ركرنێ وبریار هاته‌ دان ئه‌و ئاریشێن دبن ده‌ستهه‌لاتا لیژنا بلندا ب رێكێن یاسایی بهێنه‌ چاره‌سه‌ركرن وئاریشێن ده‌رڤه‌ی ده‌سته‌هه‌لاتا لیژنا بلند دێ بو جڤاتا وه‌زیران هێنه‌ بلندكرن كو ل وێرێ بریارا چاره‌سه‌ركرنێ ل سه‌ر بهێته‌ دان.


پارێزگه‌رێ دهوكێ ته‌كه‌زكر: "كو دڤێت هه‌موو ئاریشه‌ ب هوربینی بهێنه‌ به‌رچاڤكرن وب رێكێن یاسایی بهێنه‌ چاره‌سه‌ركرن وخواست هه‌موو لایه‌ن دهاریكاربن بو چاره‌سه‌ركرنا هه‌ر ئاریشه‌كێ".

bas news -