نوێنەرێکی مەسیحیەکان لە پەرلەمانی کوردستان دەڵێت، مەسیحیەکان ترسیان لە گەڕانەوە بۆ ناوچەکانیان ھەیە و ناگەڕێنەوە گەر دڵنیا نەبن لەلایەن پێشمەرگە و کۆمەڵگای نێودەوڵەتی دەپارێزرێن.



"وەحیدە یاقۆ ھورمز" نوێنەری مەسیحیەکان لە پەرلەمانی کوردستان بە ئاژانسی ھەواڵی زاگرۆسی راگەیاند: "زۆرینەی ناوچەکانی مەسیحیەکان لە دەشتی نەینەوا خاپورکراون و گومان دەکرێت بەشێکی لەلایەن سوپای عێراق دوای رزگارکردنی سوتێندرابن و لەئێستادا خەڵک تەنھا سەردانی ناوچەکانیان دەکات و ناگەڕێنەوە و ئامادەش نین بگەڕێنەوە بەوشێوەی ئێستا."



وەحیدە یاقوھورمز گوتی: ھۆکاری نەگەڕانەوەشیان بۆ ئەوە دەگەڕێتەوە کە متمانەیان بە سوپای عێراق و خەڵکی ناوچەکە نیە، چونکە پێشتر عەرەبەکانی ناوچەکە ئەوانیان رادەستی داعش کردووە و ھاوکاری داعشیان کردووە ھێرشی سەر ئەوان بکات.



ھورمز روونیشی کردەوە: مەرجی گەڕانەوەی مەسیحیەکان ئەوەیە لەڕووی ئەمنیەوە پارێزراو بن ئەویش نەک سوپا ئەوان بپارێزێت، بەڵکو پێویستە ھێزی پێشمەرگە و کۆمەڵگای نێودەوڵەتی ئەوان بپارێزێت، بەو مەرجە دەگەڕێنەوە گەر لەمە دڵنیا نەبن جارێکی دیکە بۆ ئەو ناوچانە ناگەڕێنەوە.



وتیشی: بۆ ئەو مەبەستە چەندین نامە ئاراستەی وڵاتان کراوە ئەمەش بە ئاگاداری حکومەتی ھەرێمی کوردستان بووە، چونکە زۆرینەی مەسیحیەکان لەگەڵ ئەوەدان سەر بەھەرێمی کوردستان بن نەک حکومەتی عێراق.



"وەحیدە یاقۆ ھورمز" نوێنەری مەسیحیەکان لە پەرلەمانی کوردستان بە ئاژانسی ھەواڵی زاگرۆسی راگەیاند: "زۆرینەی ناوچەکانی مەسیحیەکان لە دەشتی نەینەوا خاپورکراون و گومان دەکرێت بەشێکی لەلایەن سوپای عێراق دوای رزگارکردنی سوتێندرابن و لەئێستادا خەڵک تەنھا سەردانی ناوچەکانیان دەکات و ناگەڕێنەوە و ئامادەش نین بگەڕێنەوە بەوشێوەی ئێستا."



وەحیدە یاقوھورمز گوتی: ھۆکاری نەگەڕانەوەشیان بۆ ئەوە دەگەڕێتەوە کە متمانەیان بە سوپای عێراق و خەڵکی ناوچەکە نیە، چونکە پێشتر عەرەبەکانی ناوچەکە ئەوانیان رادەستی داعش کردووە و ھاوکاری داعشیان کردووە ھێرشی سەر ئەوان بکات.



ھورمز روونیشی کردەوە: مەرجی گەڕانەوەی مەسیحیەکان ئەوەیە لەڕووی ئەمنیەوە پارێزراو بن ئەویش نەک سوپا ئەوان بپارێزێت، بەڵکو پێویستە ھێزی پێشمەرگە و کۆمەڵگای نێودەوڵەتی ئەوان بپارێزێت، بەو مەرجە دەگەڕێنەوە گەر لەمە دڵنیا نەبن جارێکی دیکە بۆ ئەو ناوچانە ناگەڕێنەوە.



وتیشی: بۆ ئەو مەبەستە چەندین نامە ئاراستەی وڵاتان کراوە ئەمەش بە ئاگاداری حکومەتی ھەرێمی کوردستان بووە، چونکە زۆرینەی مەسیحیەکان لەگەڵ ئەوەدان سەر بەھەرێمی کوردستان بن نەک حکومەتی عێراق.
PAYAMNER -