له‌ ئاهه‌نگێكی قه‌شه‌نگدا كه‌ له‌ لایه‌ن كۆمه‌ڵه‌ی گه‌شتوگوزاره‌كانی جیهانی له‌ ناوچه‌ی رۆژهه‌ڵاتی ناوه‌ڕاست به‌ بۆنه‌ی 23 یه‌مین ساڵیادی ئه‌و كۆمه‌ڵه‌یه‌ ساز كرا، هۆتێل ئه‌ربیل ڕۆتانا خه‌ڵاتی (ئۆسكار له‌ بواری گه‌شتوگوزار) ی پێبه‌خشرا وه‌ك باشترین هۆتێل له‌سه‌ر ئاستی عێراق.
به‌ده‌ستهێنانی ئه‌و نازناوه‌ ئه‌وه‌ ده‌گه‌یه‌نێ كه‌ كارمه‌ندانی هۆتێل ئه‌ربیل رۆتانا به‌رده‌وامن له‌ پێشكه‌شكردنی باشترین خزمه‌تگوزاری له‌ ماوه‌ی 4 ساڵی یه‌كله‌دوای یه‌ك و ئه‌زموونێكی باشیان له‌و ماوه‌یه‌دا دروست كردووه‌
غه‌سان ده‌لال به‌ڕێوه‌به‌ری گشتیی هۆتێل ئه‌ربیل رۆتانا رای گه‌یاند، ئێمه‌ جگه‌ له‌ هه‌وڵی به‌رده‌وامی كارمه‌نده‌كانمان بۆ پێشكه‌شكردنی خزمه‌تگوزاری بۆ میوانه‌كان، شوێنی حه‌وانه‌وه‌ و كه‌ره‌سته‌ی خزمه‌تگوزارییه‌كانمان كوالیتییان به‌رزه‌ و هه‌موو كات له‌ ژێر نۆژه‌نكردنه‌وه‌ن.
شایه‌نی باسه‌ هۆتێل رۆتانا له‌ 201 ژووری جۆراوجۆر پێك دێت.بازرگان و گه‌شتیاره‌ جیاجیاكان رووی تێده‌كه‌ن. باشترین خواردنگه‌ و شوێنی خواردنه‌وه‌ و یانه‌ی ته‌ندروستی و شوێنی سپا له‌ خۆ ده‌گرێت جگه‌ له‌ هۆڵی كۆبوونه‌وه‌ و كۆنفرانس و ئاهه‌نگی گه‌وره‌ وا ده‌كه‌ن گه‌شتیاران كاتێكی خۆش له‌ناو هۆتێله‌كه‌ به‌سه‌ر ببه‌ن.













خليل بله يى