گوتەبێژی فەرمیی پارتی دیموکراتیی کوردستان، ئامادەیی تەواوی حزبەکەی بۆ دەست پێ کردنی گفتوگۆکان لەگەڵ لایەنە سیاسییەکان دەربڕی.

مەحموود محەمەد، گوتەبێژی فەرمیی پارتی دیموکراتیی کوردستان، لە پەیامێکدا ئاماژەی بەوە کرد کە په‌یامی سه‌رۆكی هه‌رێمی كوردستان له‌كات و ساتێكی گونجاودابووە و به‌ ده‌روازه‌ی چاره‌سه‌ری كێشه‌ و گرفته‌ ناوخۆییه‌كانی ده‌زانن.

جەختیشی لەوە کردووەتەوە: “ئێمه‌ له‌ پارتی دیموكراتیی كوردستان، ناوەڕۆکی په‌یامه‌كه‌ به‌ باش و به‌رز ده‌نرخێنین و پێشوازی لێ ده‌كه‌ین. هه‌روه‌ها له‌ ڕوانگەی خوێندنه‌وه‌ی بابه‌تییانه‌مان بۆ هه‌لومه‌رجی ناوچه‌كه‌ به‌گشتی و كوردستان به‌تایبه‌تی، چاره‌سه‌ری قه‌یرانی سیاسی به‌ زه‌روری ده‌زانین، بۆ ئه‌وه‌ی وه‌ڵامده‌ره‌وه‌ی پێویستییه‌كانی ئه‌م قۆناغه‌ بین و به‌رگه‌ی ته‌حه‌دییه‌كان بگرین و پیلانی دژ و دوژمنه‌كانمان پووچه‌ڵ بكه‌ینه‌وه‌”.

لە کۆتاییشدا گوتەبێژی فەرمیی پارتی ڕای گەیاندووە: “پشتیوانیی پارتی بۆ په‌یامه‌كه‌ی بارزانی ده‌رده‌بڕین و ئاماده‌یی ته‌واومان هه‌یه‌ بۆ دەست پێ کردنی گفتوگۆ له‌گه‌ڵ هه‌موو لایه‌نه‌ سیاسییه‌كانی كوردستان، تا له‌به‌ر ڕۆشنایی ناوەڕۆکی په‌یامه‌كه‌، میكانیزمی چۆنیه‌تی چاره‌سه‌رییه‌كان دیاری بكه‌ین”.

















باسنيوز