فەرماندەیەکی هێزی پێشمەرگەی کوردستان ئاماژە بە تێکشکاندنی ڕێکخراوی توندڕەوی داعش دەکات و ئەوەش ئاشکرا دەکات کە ژمارەیەکی زۆر لە ئۆتۆمبێلە بۆمبڕێژکراوەکانیان لە باشیک دەستیان بەسەردا گیراوە.

حوسێن یەزدانپەنا، فەرماندەی پێشمەرگە، لە میحوەری باشیکی هێزی پێشمەرگەی کوردستانەوە، ڕایگەیاند: “ئەمڕۆ شەممە (19\11\2016)، سەرجەم ئەو ئۆتۆمبێلە بۆمبڕێژکراوانەیان کۆکردەوە کە لە ماوەی ڕابردوودا هێنرابوون بۆ تەقاندنەوەیان لە سەنگەرەکانی هێزی پێشمەرگەی کوردستان”.

ڕوونیشی کردەوە: "بەشێکیان هەر ئەمڕۆ دەستیان بەسەردا گیراوە و خۆکوژەکان پێش تەقاندنەوەیان لەلایەن هێزی پێشمەرگەی کوردستانەوە کوژراون".

حوسێن یەزدانپەنا ئەوەشی ڕایگەیاند: “هەر یەکێک لەو ئۆتۆمبێلانە، سەدان کیلۆ تەقەمەنیان تێدابووە و بەشێکی زۆریان لە مووسڵەوە هێنراون بۆ باشیک، بەشێکیش لە ئۆتۆمبێلەکان مەدەنی بوون لەلایەن ئەوانەوە درعیان بۆ دروستکراوە بۆ تەقاندنەوە”.














باسنیوز