كه‌مال كه‌ركووكی به‌رپرسی میحوه‌ری رۆژئاوای كه‌ركووك ئاشكرای كرد، ئه‌مڕۆ 38 چه‌كداری داعش له‌ نزیك قه‌زای دوبز له‌ رۆژئاوای شاری كه‌ركووك له‌ لایه‌ن فڕۆكه‌كانی هاوپه‌یمانی نێوده‌وڵه‌تی دژی داعش بۆردوومان كراون و كوژراون.

فه‌رمانده‌ی میحوه‌ری رۆژئاوای كه‌ركووك رایگه‌یاند، بۆردوومانی ئه‌و چه‌كدارانه‌ی داعش به‌ شێوه‌یه‌كی ورد و ئامانجدار بووه‌ و پشتی به‌ زانیاریی وردی هه‌واڵگری به‌ستووه‌.

كه‌ركوكی وتیشی، جگه‌ له‌ بۆردوومانی فڕۆكه‌كانی هاوپه‌یمانان، هێزه‌كانی پێشمه‌رگه‌ش به‌ تۆپ بۆردوومانی بنكه‌ و مۆڵگه‌كانی داعشیان له‌ ناوچه‌كانی ده‌وروبه‌ری دوبز له‌ سه‌ر رێگای قه‌زای حه‌ویجه‌ كردووه‌ كه‌ 45 كیلۆمه‌تر ده‌كه‌وێته‌ رۆژئاوای شاری كه‌ركووكه‌وه‌ و به‌هۆی بۆردوومانه‌كانه‌وه‌ ئه‌و 38 چه‌كداره‌ی داعش كوژراون
payamner-