سه‌رۆكێ قه‌والێن ئێزدیان ل باشیك و به‌حزانى دیاركر ئێكه‌مین چرایى نیشانگه‌هێن ئولا ئێزدیان ل باشیك هاته‌ هه‌لگرن د رێ وره‌سمه‌كێ مه‌زن دا ب ئاماده‌بوونا هه‌ژماره‌كا زۆر دیندار و كه‌ساتێن ئولا ئیزدیان ل باشیك چرایى نێشانگه‌ه بیربووت هاته‌ هه‌لگرن.

قه‌وال به‌هزاد سلیمان سڤو، سه‌رۆكێ قه‌والێن ئێزدیان ل باشیك و به‌حزانى بۆ(باسنیوز) دیاركر پشتى دوو سالان ژ داگیركرنا باشیك و به‌حزانى ئیزدیان نه‌ شیان چرایى مه‌زارگه‌ه و نێشانگه‌هێن خوه‌ ئاینى هه‌لكه‌ن و رێ و ره‌سمین مه‌زارگه‌ه و نێشانگه‌هێن خوه‌ ئاینى بگێرن، پشتى باشیك و به‌حزانى ل سه‌ر ده‌ستێن پێشمه‌رگه‌هى قه‌ره‌مان كوردستانێ هاتیه‌ رزگاركرن خه‌لكێ باشیك و به‌حزانى ده‌ست ب ئاهه‌نگ و خوشیان كریه‌ وهه‌ژماره‌كا زۆر خه‌لكێ باشك و به‌حزانى سه‌ره‌دانا ده‌ڤه‌رى دان بۆ گێرانا رى و ره‌سمین خوه‌ ئاینى ل ناڤ باشیكى ئیكه‌مین جارا پشتى دوو سالێن داگیركرنى چرایى بیربووت هاته‌ هه‌لگرن خه‌لكێ ل باشیك و به‌حزانى ده‌ست ب خوشیى كرن.



قه‌وال به‌هزاد گۆتژى:" ئێزدیان وه‌كو جاران ده‌ڤ وشه‌باب خوه‌ یێن ئاینى ل باشیكى لێدان ده‌ست ب گیرانا رى وره‌سمین ئاینى یى بیربووت كرن دێ ئێدى ل باشیك و به‌حزانى ده‌ست ب گیرانا هه‌موو رێ و ره‌سمین ئاینى هێته‌ كرن".
bas news-