ئەمڕۆ "مەسرور بارزانی" راوێژکاری ئەنجوومەنی ئاسایشی ھەرێمی کوردستان پێشوازی لە جەنەڕاڵ "ستیفن تاونسێند" فەرماندەی ھێزە ھاوبەشەکانی شەڕی دژ بە داعش کرد.



لە دیدارێکدا شەڕی تیرۆریستانی داعش و پەرەسەندنە سەربازیییەکان لە ناوچەکە تاوتوکرا و تیشکخرایە سەر پێشڕەوی و کاریگەری ھەماھەنگی نێوان ھێزەکانی پێشمەرگە و سوپای عێراق لە ئۆپەراسیۆنی رزگارکردنی مووسڵ.



لەوبارەوە مەسرور بارزانی ئاماژەی بەوە دا، نابێت گرووپە چەکدارەکانی دەرەوەی دامەزراوە رەسمییەکانی سەربازیی عێراق رۆڵیان لە ئۆپەراسیۆنەکە و قۆناغی دواتردا ھەبێت و دووپات لە دابینکردنی زیاتری پێداویستییە سەربازییەکانی ھێزی پێشمەرگە کرایەوە.‌
pAYAMNER-