"پرسه‌كه‌ سنوورى گاڵته‌كردن تێده‌په‌ڕێنێت" به‌م شێوه‌یه‌ نووسه‌رى زنجیره‌ كارتۆنى "زی سیمبسۆنز" كۆمێنتى له‌سه‌ر بردنه‌وه‌ى دۆناڵد تره‌مپ، له‌ هه‌ڵبژاردنى سه‌رۆكایه‌تى ئه‌مریكا، نووسی.



ئه‌و زنجیره‌ كارتۆنییه‌ له‌ ساڵى 2000 پێشكه‌شكرا، كه‌ تیایدا كه‌سایه‌تى تره‌مپ ده‌رده‌كه‌وێت و خۆكاندیدكردنى بۆ سه‌رۆكایه‌تى ئه‌مریكا، ڕاده‌گه‌یه‌نێت.



مات گرۆنینگ، ته‌مه‌ن 62 ساڵ، بۆ ڕۆژنامه‌ى "گاردیان"ـى به‌ریتانى، ڕاى گه‌یاند :" ماوه‌ى سه‌رۆكایه‌تیكردنى تره‌مپ، بابه‌تى گاڵته‌ئامێزى زۆرى لێ ده‌بێته‌وه‌، چونكه‌ له‌ هه‌موو ڕووه‌ ترسناكه‌كانییه‌وه‌، سه‌یره‌".



له‌یه‌كێك له‌ ئه‌لقه‌كاندا كه‌سایه‌تى "لیزا سیمبسۆن" ده‌رده‌كه‌وێت، كه‌ له‌ ڕووی سیاسییه‌وه‌ ده‌ناسرێت و سه‌رده‌كه‌ویت بۆ پۆستى سه‌رۆكایه‌تى ئه‌مریكا و پۆسته‌كه‌ له‌ دۆناڵد تره‌مپ وه‌رده‌گرێت دواى ئه‌وه‌ى وڵاته‌كه‌ ده‌گه‌یه‌نێته‌ لێوارى داڕووخان، هه‌روه‌ك ئه‌وه‌ش ده‌خرێته‌ڕوو، كه‌ بارى ئابوورى ئه‌مریكا له‌سه‌رده‌مى تره‌مپ زۆر داڕماوه‌.
Bas News-