وەكو پشتگرییەك بۆ هاوسەرۆكانی هەدەپە، بەرهەم ساڵح هۆنراوەیەكی ئیبراهیم ئەحمەد بڵاودەكاتەوە، لەكاتێكدا پەیوەندی لەگەڵ كچەكەی، هێرۆ ئیبراهیم ئەحمەد زۆر ئاڵۆزە.

بەرهەم ساڵح، جێگری دووەمی سكرتێری گشتیی یەكێتی نیشتمانیی كوردستان، رۆژی 4-11-2016 لە تویتێكدا پشتگری خۆی بۆ هاوسەرۆكان و پەرلەمانتارانی پارتی دیموكراتی گەلان HDP دەربڕی و هۆنراوەیەكی ئیبراهیم ئەحمەد، باوكی هێرۆخان، ئەندامی مەكتەبی سیاسی حیزبەكەی و هاوژینی مام جەلال، سكرتێكری گشتیی یەكێتی بڵاوكردەوە، لەكاتێكدا پەیوەندی بەرهەم ساڵح و هێرۆ ئیبراهیم ئەحمەد لەوپەڕی گرژیدایە.

بەرهەم ساڵح لەبارەی دەستگیركردنی هاوسەرۆكانی هەدەپە نووسیویەتی "دەمیرتاش و هاوەڵەكانی پێشەنگی دیموكراسی و ئاشتین، چەوساندنەوە بەری ئازادی پێناگیرێ". لە كۆتایی تویتەكەیدا كۆپلەیەك لە هۆنراوەی بەنێوبانگی (شیرین بەهارە)ی ئیبراهیم ئەحمەدی بڵاوكردووەتەوە كە دەڵێت:

لە زڕەی زنجیر، دڵت نەلەرزێ
پێوەند بۆ لەشە، نەوەك بۆ گیان
Rudaw-