پەرلەمانتارێکی پێشووی یەکێتی نیشتیمانی کوردستان، ئاماژە بەوە دەکات، لە مێژووی سیاسی خۆیدا، هیچ حزبێکی جیابوەوەی ناو یەکێتی نەیتوانیووە ئەو حزبە لەناو ببات، بۆیە بزووتنەوەی گۆڕانیش ناتوانێت لە دەرەوەی ئەو مێژووە یەکێتی لەناو ببات.


جەمال یوسف بۆتانی، پەرلەمانتاری پێشووی یەکێتی نیشتیمانی کوردستان راگەیاند: ئەو لایەنانەی لەیەکێتی جیابوونەوە، دواجار نزیکی یەکێتی دەبنەوە و ناتوانن لە دەرەوەی ئەو مڵە شتێکی جیاواز پێشکەش بکەن، ئەزموونی ئاڵای شۆڕش و سۆشیال و بزووتنەوەی گۆڕان و ناوەندی بڕیار و باڵی زۆرینە، هەموویان دواجار لە سنوورێکی جوگرافین و دەبێت بەیەکەوە بن، گوتی: "پێشبینی دەکرێت فشاری کادیرو ئەندامان و پێشمەرگە و لایەنگرانی یەکێتی وابکات کە سەرکردایەتی یەکێتی گرێبدرێتەوە و لەئایندەیەکی نزیکدا ناوەندی بڕیار و زۆرینەی بگەنە دەرئەنجام".


گوتیشی: "تائێستا ڕوون نییە، گۆڕان دێتەوە ناو ماڵی یەکێتی، بەڵام ئەو هۆکارانەی کە هاندەربوون بۆئەوەی گۆڕان یەکێتی تووشی ئیفلاس بکات، سەرکەوتوو نەبوو".






باسنیوز