هەرچەندە پارتی دیموكراتی كوردستان و حزبی سۆسیالیست بانگهێشتی كۆبوونەوەی لایەنە سیاسییەکانی هەڵەبجە ناكرێن، بەڵام لەسەر بانگهێشتی تەڤگەری ئازادیی كۆمەڵگەی كوردستان، لایەنە سیاسییەكانی هەرێمی كوردستان لە هەڵەبجە كۆ دەبنەوە.

كۆساڵان ئەبووبەكر، سكرتێری مەكۆی پارێزگای هەڵەبجەی بزووتنەوەی گۆڕان، ڕایگەیاند: "لەسەر بانهێشتی تەڤگەری ئازادیی كۆمەڵگەی كوردستان، بڕیارە سەعات 3 ی پاشنیوەڕۆی ئەمڕۆ چوراشەممە لایەنە سیاسییەكانی هەڵەبجە كۆ ببنەوە و ئامانجی كۆبوونەوەكەش قسەكردن دەبێ‌ لەسەر درووستكردنی كۆمیتەیەكی لەلایەنە سیاسیەكانی هەڵەبجە بۆ دەربڕینی یەك هەڵوێست و بەرەنگاربوونەوەی هەر پیشهاتێك كە لە هەرێمی كوردستان و ناوچەكە ڕوو بدات."

گوتیشی: "بەزاندنی خاكی هەرێمی كوردستان لەلایەن توركیاوە تەوەرەیەك دەبێت كە لە كۆبوونەوەكەدا باسی لێوە دەكرێت، هێندەش من بزانم هەموو لایەن سیاسییەكان بانگهێشت كراون و و ئێمەش نوێنەرمان ئامادە دەبێت."

بەڵام سۆران حەسەن، بەرپرسی مەڵبەندنی هەڵەبجەی حزبی سۆسیالیست دیموكراتی كوردستان ڕایگەیاند: "وەك حزبی سۆسیالیست دیموكراتی كوردستان بانگهێشتی ئەو كۆبوونەوەیە نەكراوین و ئاگادار نین."

هاوكات سەید ئەحمەد، كارگێڕی لقی12 ی پارتی دیمكراتی كوردستان، گوتی: "وەك پارتی دیموكراتی كوردستان بانگهێشتی ئەو كۆبوونەوەیە نەكراوین."











باسنیوز