سزای سێدارەی هاووڵاتییەکی دیکەی کوردی دانیشتووی (سەڵماس)ی سەر، لە بە پارێزگای ورمێ لە بەندیخانەی ناوەندی ئەو شارە بەڕێوە چوو.

بەپێی ڕاپۆرتی ماڵپەڕی مافی مرۆڤیی (هەنگاو) سەرلەبەیانی ئەمڕۆ دووشەممە 2016 -10 - 31 سزای سێدارەی بەندکراوێکی خەڵکی سەڵماس بەناوی سامی مامەدی، لە بەندیخانەی ناوەندیی ئەو شارە بەڕێوە چووە.

بەپێی هەمان سەرچاوە سامی خەڵکی گوندی (قزڵ کەندی)ی ئەو شارە بووە و لە ماوەی ٧ ساڵی ڕابردوودا لە بەندیخانە ڕاگیراوە.

سامی مامەدی لەلایەن دەزگای دادوەریی ڕێژیمی ئێرانەوە بە تۆمەتی "کڕین و فرۆشتنی ماددە هۆشبەرەکان" سزای سێدارەی بەسەردا سەپێندرابوو.

ڕۆژی یەکشەممەی هەفتەی ڕابردووش سزای سێدارەی دوو هاووڵاتیی کوردی دیکەی خەڵکی سەڵماس، لە بەندخانەی ناوەندیی ئەو شارە بەڕێوە چوبوو.















باسنيوز