کارۆخ ئیبراهیم، شانۆکاری گەنج ئەمجارە بەنیازە شانۆگەرییەک بەناوی سندان لە شاری هەولێر بۆ ماوەی 10 رۆژ نمایش بکات، کە کۆمەڵێک شانۆکاری بە ئەزموون رۆڵی تێیدا دەبینن و رووداویش سپۆنسەری میدیایی شانۆگەرییەکەیە.

کارۆخ ئیبراهیم حەکیم دەیەوێت لە رێگەی کارێکی شانۆییدا ئەو ئازارو مەینەتییانەی گەلی کورد بە دەست نەبوونی سیستەم و یاساوە چێشتوویەتی بیانخاتەوە ڕوو.

لەم نمایشەدا گەنجێکی پینەدۆز دەبێتە سیمبوڵ، بۆیە کارۆخ دەیەوێت بە زمانی پینەدۆزێک بە دەسەڵاتداران بڵێت وڵات بێ سیستەم وێرانەیە ، دەکرێت پینەدۆزێك سیستەمی حکومڕانی گونجاو بۆ کۆمەڵگا دابرێژێتەوە.

بڕیارە ئەم شانۆگەرییە لە رۆژی 1-11-2016 لە هۆڵی پەیمانگەی هونەرەجوانەکانی هەولێر بۆماوەی 10 رۆژ نمایش دەکرێت.
rudaw -