هاونیشتیمانییەکی کاسبکار بەجۆرێکی جیاواز پاڵپشتی لە هێزەکانی پێشمەرگە دەکات، ماوەی سێ ساڵە هەرکاتێک بیستبێتی لە سەنگەرێک شەڕە، دووکانەکانی داختسووە و چووەتە ئەو سەنگەرە، بۆ ئەوەی بە میوزیکەکەی دڵی پێشمەرگەکان خۆش بکات.

واحد، تەمەنی 60 ساڵە و دەیەوێت بە شمشاڵەکەی کەمێک لە ماندوویێتی پێشمەرگەکان کەمبکاتەوە، ئەو بەهوتاف و شیعر و گۆرانییەکانی دڵی پێشمەرگە خۆش دەکات و بە پێکەنینیان دێنێت، وەکو خۆیشی دەڵێت، هێندە هوتافی دژی داعش گوتووەتەوە ئێستا "وێنەی منیان لەنێو موسڵ هەڵواسیوە بۆ ئەوەی دەستگیرم بکەن".

پێشمەرگەکان شاهێدی دەدەن کە مام واحید توانیویەتی بە نوکتە و میوزیکەکەی ماندووێتی و ناخۆشییەکانی شەڕیان لە بیربباتەوە. لەکاتێکدا پێناچێت شەڕ وا بەزوویی کۆتایی بێت، مام واحید دەڵیت: زۆر شەڕ، سەنگەر و بەرەی پێشمەگە ماوە شمشاڵەکەمی تێدا بژەنم.





رووداو