وەزارەتی خوێندنی باڵا وادەی پێشكەشكردنی بۆ خوێندنی ماستەر و دكتۆرا درێژكردەوە
بەپێی نووسراوێك، كە ئەمڕۆ چوارشەممە 26-10-2016 بەڕێوەبەرایەتی خوێندنی باڵای سەر بە وەزارەتی خوێندنی باڵا و توێژینەوەی زانستی ئاراستە زانكۆ حكومییەكانی كردووە، بڕیاردراوە ماوەی پێشكەشكردن بۆ خوێندنی ماستەر و دكتۆرا چەند رۆژێك درێژبكرێتەوە.
بەپێی بڕیارەكە دوا وادە بۆ پێشكەشكردنی خوێندنی ماستەر و دكتۆرا رۆژی دووشەممە 31-10-2016 دەبێت.
لەبارەی تاقیكردنەوەی توانستی زانستیی و راگەیاندنی ئەنجامەكان، بەڕێوەبەرایەتی خوێندنی باڵا بڕیاریداوە وەك خۆیان بمێننەوە و گۆڕانكاری تێدا نەكرێت.
