فەلاح مستەفا بەرپرسی فەرمانگەی پەیوەندیەکانی دەرەوەی حکومەتی هەرێمی کوردستان بە یاوەری دلاوەر ئاژگەیی نوێنەری حکومەتی هەرێمی کوردستان لە یەکێتی ئەوروپا سەردانی وەزارەتی دەرەوی لۆگزامبۆرگی کرد و لە لایەن –ژان ئاسلبۆرن وەزیری دەرەوەی هۆلەندا و گەورە بەرپرسانی وەزارەتی دەرەوەی لۆگزامبۆرگ پێشوازیان لێکرا. لە میانەی دیدارەکەدا باس لە بارودۆخی هەنووکەیی هەرێمی کوردستان و ئۆپێراسیۆنی ئازادکردنی موسل و پەیوەندیەکانی نێوان هەردوولا کرا.



وەزیری دەرەوەی لۆگزامبۆرگا خۆشحاڵی خۆی بۆ سەردانەکە راگەیاند و وێرای جەخت کردنەوە لە پیشتوانی و هاویکاری وڵاتەکی بۆ هەرێمی کوردستان و هێزی پێشمەرگە و گەلی کوردستان هاوکات ستایشی هەرێمی کوردستان و رۆڵی پێشمەرگە و گیانفیداکاری کرد لە رۆلی قارەمانانەیان بەرامبەر


بە تیرۆریستان. لە تەوەرێکی دیکەی دیدارەکە پەیوەندیەکانی نێوان هەرێمی کوردستان و حکومەتی لۆگزامبۆرگ تاوتۆ کران و لەوبارەیەوە هەردوولا هاورا بوون لە سەربەهێزکردنی پەیوەندیەکانی نێوانیان لە بواری سیاسی وئابووری و دیپلۆماسی و داوا کرا کە وەزیری دەرەوەی لۆگزامبۆرگ رۆلی خۆی بگیرێت بۆ گەیاندنی پەیامی هەرێمی کوردستان بە ناوەندەکانی یەکێتی ئەوروپا و لەوێش پشتگیری زیاتری کوردستان بکات. هەر لە چوارچێوەی هاریکاری هێزی پێشمەرگە وەزیری دەرەوەی لۆگزامبۆرگ بەڵێنی دا بەشێک لە پێشمەرگە بریندارەکانی کوردستان لە خۆی بگرێت بە مەبەستی چارەسەر کردن و بۆ ئەم مەبەستە رێکارە پراکتیەکان تاوتۆ کران.


لە کۆتاییدا وەزیری دەرەوەی لۆگزامبۆرگ رایگەیاند کە بڕیارە لە ئایەندەکی نزیک سەردانی هەرێمی کوردستان بکات.


جێگەی ئاماژە پێدانە کە یەکەم پەیوەندی نێوان هەرێمی کوردستان و لۆگزامبۆرگ بۆ ساڵی ٢٠١٤ دەگەریتەوە وەزیری دەرەوەی لۆگزامبۆرگ ساڵی پار لە سەر بانگێشتی فەرمی بەرێز نێچیرڤان بارزانی سەرۆک وەزیرانی هەرێمی کوردستان سەردانی هەرێمی کوردستانی کرد و لە وەڵامدا بەرێز فلاح مستەفا یەکەم وەزیری هەرێمە کە سەردانی لۆزامبۆرگ دەکا.
Hawler-