لە نزیک گوندی قوڕەگۆ لە سنووری قەزای رانیە بە گولـلەیەکی نادیار ئەندام پەرلەمانێکی خولی سێیەمی پەرلەمانی کوردستان بریندار کرا.

کاروان مەحموود، گوتەبێژی پۆلیسی راپەڕین رایگەیاند "کاتژمێر ٣:٠٠ ی دوانیوەڕۆی رۆژی دووشەممە ٢٤-١٠-٢٠١٦ ، قادر ئەحمەد ئیسماعیل پەرلەمانتاری خولی پێشووتری پەرلەمانی کوردستان بە گوللەیەکی نادیار بریندار کراوە".

بەگوتەی پۆلیسی راپەڕین، کەسوکاری قادر ئەحمەد گومانیان لەھیچ کەسێک نییە و ھیچ کەسێکیش لەسەر ئەم رووداوە دەستگیرنەکراوە.

پێشەوا قادر، کوڕی قادر ئەحمەد،رایگەیاند" باوکم بەمەبەستی گەشت و سەیران چووتە دەرەوە و لەناکا و گوللەیەک بەر پشتی کەوتووە و لە سکی ھاتووەتە دەرەوە". دەشڵێت، ئێستا لە نەخۆشخانەیە و چارەسەری پزیشی وەردەگرێت.
Payamner-