ڕۆژی دووشەممە 24ـی 10ـی 2016 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە شێخ ئەحمەد ئەلجەربا سەرۆكی تەیاری غەددی سووریا كرد.
لە دیدارەكەدا بارودۆخی سیاسی و ئەمنیی ناوچەكە و دوا پێشهاتە سیاسییەكان لەسەر ئاستی ناوچەیی و نێودەولەتی تاوتوێ كرا و ڕۆشناییش خرایە سەر ئاییندەی سووریا و هاوكێشە سەربازی و سیاسییەكانی ئێستای ئەو وڵاتە.
لە بەشێكی تری كۆبوونەوەكە سەركەوتنەكانی پێشمەرگە و هێزەكانی سوپای عێراق و بارودۆخی مەیدانیی بەرەكانی شەڕی دژی تیرۆریستان لە پارێزگای نەینەوا خرایە بەر باس و گفتوگۆ.
Payamner-