بەڕێوەبەری پۆلیسی قەزاو ناحییەکانی کەرکووک، ئەوە دەخاتەڕوو کە لە چالاکییەکی ھێزەکانی پۆلیسی قەزاو ناحییەکانی کەرکووک و ھێزەکانی پێشمەرگە، توانرا لە گوندی سەیادەی لە سنوری پارێزگای کەرکووک، ژمارەیەک داواکراو و گومانلێکراو دەستگیر بکەن.

عەمید سەرحەد قادر، بەڕێوەبەری پۆلیسی قەزاو ناحییەکانی کەرکووک، ڕایگەیاند: "ئەمڕۆ دووشەممە 24/10/2016، لە چالاکییەکی ھێزەکانی پۆلیسی قەزا و ناحییەکانی کەرکووک و ھێزەکانی لیوای 140 و 1144ی پێشمەرگە، لە گوندی سەیادەی سنووری پارێزگای کەرکووک 15 داواکراو و گومانلێکراو دەستگیر کران".

بەڕێوەبەری پۆلیسی قەزاو ناحییەکانی کەرکووک، گوتیشی: "ھەندێک لەو دەستگیرکراوانە ئاسەواری گوللە بە جەستەیان و خوێن بە جلوبەرگەکانیان دیار بوو، ئێستاش لێکۆڵینەوەیان لە گەڵدا دەکرێت".














باسنیوز