فەرماندەی گشتی میحوەری ناوەران ئاماژە بەوە دەکات کە ئەو نەخشە سەربازییەی فەرماندەی گشتیی هێزی پێشمەرگەی کوردستان دیاری کردبوو، وەک خۆی جێبەجێ کرا و تا ئەو شوێنەی سنووری پێشمەرگە بێت، ڕاناوەستین.



ئەمڕۆ دووشەممە 24\10\2016، سەربەست تڕوانشی، بەرپرسی محیوەری ناوەران ڕاگەیاند: “ئەو نەخشە سەربازییەی مەسعود بارزانی، سەرۆکی هەرێمی کوردستان و فەرماندەی گشتیی پێشمەرگە بۆ سێ میحوەرەکەی دیاری کردبوو، وەک خۆی جێبەجێ کرا و بەسەرکەوتوویی توانرا سەرکەوتنی گەورە بەسەر داعش تۆمار بکرێت”.



ئەوەشی ڕوون کردەوە: “داوامان لە هێزی هاوپەیمانان کردووە، هاوکاریی هێزی پێشمەرگەی کوردستان بکەن و بە چڕی بنکە و بارەگاکانی داعش بۆردومان بکەن و هەماهەنگیی تەواویان لەگەڵ پێشمەرگە هەبێت". گوتیشی: ”تا شوێنێک سنووری کوردستان بێت، هێزی پێشمەرگەی کوردستان پێشرەوی تێدا دەکات و دەیگرێتەوە".






باسنیوز