ل باشیكێ تێرۆرستێن داعش 15 مەزارگەهێن ئاینی یێن ئێزدیان پەقاندینە
قەوال بەهزاد سلێمان سفۆ، سەرۆكێ قەوالێن ئێزدیان دیار، ل رۆژا 8/8/2014 تیرۆرستێن داعش، باشیك و بەحزان كونترول كرن، د ئەنجامدا 33 هزار كەس ئاوارە بوون، مال ومولکێن خوە بجه هێلان ل هەرێما كوردستانێ ئاكنجیی بوون. پشتی كونترولكرنا باشیك وبەحزانێ خەلكێ دەڤەرێ چاڤەرینە دەست ب ئاڤەدانیێ دەڤەرێ بهێتە كرن. بۆ وی چەندێ خەلك زوو ڤەگەرینە سەر مال و مولکێن خوە، دەست ب ژیانا خوە ئاسایی بكەن.
سەرۆكێ قەوالێن ئێزدیان خویا ژی كر، پێشڤەچوونێن پێشمەرگەیێن كوردستانێ خەلكێ دەڤەرا باشیك و بەحزانێ زۆر كەیفخوش كرن. خەلكەك بلەز ڤەگەرینە سەر مال ومولکێن خوە. ل سەر دەستێن سەرۆك بارزانی دێ باشیك و بەحزان هێتە ئاڤادانكرن. ئەم داخوازێ ژ وەلاتێن جیهانێ دكەن پشتەڤانیێ ل هەرێما كوردستانێ بكەن بۆ ئاڤادانیا دەڤەرێ.
باسنیوز
