رێكخراوی‌ تالیبان به‌ فڕۆكه‌ی بێفڕۆكه‌وان گرته‌ی‌ ڤیدیۆیی كرده‌وه‌یه‌كی‌ خۆكوژی‌ یه‌كێك له‌ چه‌كداره‌كانی‌ تۆمارده‌كات كه‌ ئه‌م مانگه‌ له‌ باره‌گایه‌كی‌ هێزه‌ ئه‌منییه‌كانی‌ ئه‌فغانستاندا خۆی ته‌قاندۆته‌وه‌.

له‌ گرته‌ ڤیدیۆیه‌كه‌دا چه‌كدارێكی‌ ئه‌و رێكخراوه‌ ده‌رده‌كه‌وێت كه‌ ده‌چێته‌ نێو ئۆتۆمبێلێكی‌ (هه‌مه‌ڕ) و به‌ره‌و باره‌گایه‌كی‌ هێزه‌ ئه‌منییه‌كانی‌ ئه‌فغانستان ده‌ڕوات له‌ ولایه‌تی‌ هه‌ڵمه‌ند به‌مه‌به‌ستی‌ خۆته‌قاندنه‌وه‌.

زۆر به‌ده‌گمه‌ن رێكخراوی‌ تاڵیبان ته‌كنه‌لۆژیای‌ پێشكه‌وتوو بۆ تۆماركردنی‌ گرته‌ی‌ كرده‌وه‌كانی‌ به‌كارده‌هێنێت كه‌ له‌دژی‌ هێزه‌كانی‌ ئه‌فغانستان و هێزه‌ بیانییه‌كان ئه‌نجامیده‌دات.

گرته‌ ڤیدیۆییه‌كه‌ ماوه‌كه‌ی‌ 23 خوله‌ك و تییدا ئه‌و چه‌كداره‌ی‌ تاڵیبان ده‌رده‌كه‌وێت كه‌ به‌بێ هیچ به‌رگرییه‌ك ده‌چێته‌ نێو ئه‌و بنكه‌یه‌ی‌ پۆلیس و خۆی‌ ده‌ته‌قێنێته‌وه‌.

دوای‌ ته‌قینه‌وه‌كه‌ ئاگر و دوكه‌ڵێكی‌ زۆر له‌و بنكه‌یه‌ی‌ پۆلیس به‌رزده‌بێته‌وه‌، ئه‌مه‌ش نیشانه‌ی‌ به‌هێزی‌ ته‌قینه‌وه‌كه‌ ده‌رده‌خات.
Xandan-