چەکدارانی رێکخراوی توندڕەوی داعش بە چەکی قەناس هەوڵی کوشتنی منداڵێکی عەرەبی کەرکووک دەدات.



وەک لە ڤیدیۆکەدا دەردەکەوێ، منداڵێکی عەرەبی خەڵکی دۆمیز بە کوڵ دەگری و دەڵێ، ”داعش بە قەناس لە منی دا“.



ژمارەیەک چەکداری داعش بەرەبەیانیی رۆژی هەینی 21ـی تشرینی یەکەمی 2016 دەستیان بەسەر چەند باڵەخانە و خانووێکی کەرکووکدا گرت و دوای شەڕێک لەگەڵ هێزەکانی پێشمەرگە و هێزە ئەمنییەکان، زۆربەیان کوژران و دەستگیرکران.



لە مانگی حوزەیرانی 2014 و لە سەردەمی سەرۆک وەزیرانێتیی نوری مالیکی، دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.
Bas News-