منداڵێکی تەمەن حەوت ساڵەی خەڵکی شاری کرماشان توانی لە کێبڕکێی وێنەکێشانی نێودەوڵەتیی "مونتانا" لە وڵاتی بولگاریا پلەی یەکەمی بەدەست بێنێت.

بەپێی هەواڵی ئاژانسی کوردپا، هانا سێپهری کیا، تەمەن حەوت ساڵ و خەڵکی کرماشان، خەڵاتی یەکەم و پەیکەری کێبڕکێی وێنەکێشانی لە وڵاتی بولگاریا بۆ خۆی دەستەبەر کرد.

بابەتی ئەو کێبڕکێیە لەژێر ناوی"موسیقا و هەڵپەڕکێی سوننەتیی خەڵکی وڵاتی من" لە وڵاتی بولگاریا بەڕێوە چوو.

2800 بەرهەم لە 33 وڵاتی جیهان بۆ ئەو کێبڕکێیە نێردرابوو.

هەروەها سارا زوورمەند، تەمەن 11 ساڵ خەڵکی پارێزگای ئەردەبیل و "فاتمە خوسرەوەی" تەمەن14 ساڵە لە پارێزگای خۆراسانی باشوور توانیان دیپلۆمی ئیفتخاریی کێبڕکێی نێونەتەوەیی وێنەکێشانی مونتانا بەدەست بێنن.

وڵاتی ئێران بە 874 بەرهەم لە کێبڕکێی وێنەکێشانی"مونتانا"ی وڵاتی بلەگاریا بەشداریی کردبوو.
















باسنيوز