ئەمڕۆ دووشەممە 17/10/2016، شاندێكی نوێنەرانی عەشیرەتە كوردەكانی خورماتوو بۆ دووپاتكردنەوەی برایەتی و پێكەوەژیان لە نێوان كورد و توركمان سەردانی بارەگای بەرەی توركمانیان كرد لە خورماتوو.

مەلا هاوار شافعی، مامۆستای ئایینی و كەسایەتی دیاری كوردی خورماتوو، ڕایگەیاند "شاندێكی نوێنەرانی عەشیرەتە كوردەكانی خورماتوو سەردانی بەرەگای توركمانیمان كرد لە خورماتوو و ئامانجیش لەو سەردانەمان بۆ دووپاتكردنەوەی برایەتی و پێكەوەژیانە لە نێوان هەردوو نەتەوەی كورد و توركمان، كە ساڵانێكی زۆرە برائاسا پێكەوە بە شێوەیەكی ئاشتیانە ژیاوین".

ڕوونیشی كردەوە، "پێشتر چەكدارانی حەشدی شەعبی، دوو شەڕی گەورەیان لەگەڵ خەڵكی خورماتوو ساز دا و ئەو چەكدارانە هەوڵی زۆریشیان دا برایەتیی نێوان كورد و توركمان تێك بدەن، بەڵام هەوڵەكانیان سەری نەگرد."










باسنیوز