ئەندامێکی ئەنجومەنی پارێزگای نەینەوا ئاشکرای کرد، دوای دەست پێکردنی ئۆپەراسیۆنەکەی پێشمەرگە، ڕەوشی ناو شاری مووسڵ تێک چووە.



ئەمڕۆ دووشەممە 17\10\2016، غەزوان داودی، ئەندامی ئەنجومەنی پارێزگای نەینەوا، ڕاگەیاند: “ئەنجومەنی پارێزگای نەینەوا و پارێزگار، بەیاننامەیەکیان بڵاو کردووەتەوە کە لە تەواوی بەیاننامەکەدا جەخت لەوە کراوەتەوە، رەوشی ناوشاری مووسڵ تێکچووە و داعش ورەیان نەماوە”.

ئەوەشی ڕوون کردەوە کە ئەمڕوو چەندین گوندی گەورەی ئەو پارێزگایە لەسەر دەستی هێزی پێشمەرگەی کوردستان ئازادکراون. گوتیشی: “داوامان لە خەڵکی شاری مووسڵ کردووە، هاوکاریی هێزە ئەمنییەکان بن و پاڵپشتییان بکەن”. ئەوەشی ئاشکرا کرد کە لە هەندێک شوێندا، خەڵک لە دژی داعش وەستاونەتەوە و دەیانەوێت ئەو تیرۆریستانە شارەکەیان چۆڵ بکەن.






باسنیوز