ئەمڕۆ شەممە لە سەلاحەدین سەرۆكی هەرێمی كوردستان پێشوازی لە باڵیۆزی ئیتالیا لە عێراق و شاندێكی یاوەری كرد.

ئەمڕۆ، شەممە 15/10/2016 لە سەلاحەدین مەسعود بارزانی، سەرۆكی هەرێمی كوردستان پێشوازی لە ماركۆ كارنێلۆس، باڵیۆزی ئیتاڵیا لە عێراق و شاندێكی یاوەری كرد.

لە دیدارەكەدا باڵیۆزی ئیتاڵیا لە عێراق، بارزانیی لە هەوڵەكانی وڵاتەكەی بۆ یارمەتیدان، مەشق و ڕاهێنانی پێشمەرگە، هەروەها پاراستن و نۆژەنكردنەوەی بەنداوی مووسڵ لەلایەن ڕاوێژكار و ئەندازیارانی ئیتاڵیا ئاگادار كردەوە.

هەروەها باڵوێزی ئیتاڵیا، سوپاسی هاوكاری و ئاسانكاریی لۆجستیكیی هەرێمی كوردستانی بۆ هێزەكانی ئیتاڵیا كرد. وێڕای دەڕبڕینی نیگەرانیی وڵاتەكەی لە قۆناغی دوای داعش، بۆ سەركردایەتیكردنی شەڕی دژی تیرۆریستان و هەروەها سەردانە سەركەوتووەكەی بۆ بەغدا، دەستخۆشی لە بارزانی كرد.

هەر لەم كۆبوونەوەیەدا ئۆپەڕاسیۆنی ئازادكردنی مووسڵ و بارودۆخی سیاسی عێراق و ناوچەكە خرانە بەرباس و گفتوگۆ، بارزانی ئەوەی دووپات كردەوە كە لە شەڕی تیرۆریستاندا پێویستە بۆ هەموو لایەك لەناوبردنی تیرۆر، تاكە ئەجێندا بێت.










باسنيوز