رێڤەبەرێ‌ رێكخراوا ساخلەمیا جیهانی ل دهۆكێ‌ دیاركر 40 تیمین گەرۆك ب هەڤكاری دگەل ساخلەمیا دهۆكێ‌ و نەینەوا هاتێنە بەرهەڤكرن بۆ ئاوارێن شەری مووسلێ‌ و رێژەكا زۆر دەرمان و پێدڤیێن نوشداری ژێ‌ هاتێنە دابینكرن دێ‌ پێ‌ چارەسەریا ئاواران هێتە كرن.

مەحمەد حەماش دیاركر خزمەتێن ساخلەمیی هاتنە بەرهەڤكرن بۆ ئاوارێن شەری موسلێ‌ ل هەموو دەڤەران تایبەتی ل دەشتا مووسلی و ناڤ كەمپ ل هەر جهەكێ‌ ئاوارە لێ‌ ئاكنجیی ببن قەست بكەنی دەمێ‌ شەری مووسلێ‌ دەست پێ‌ دكەت وخەلكەك ئاوارە دبن و 33 ترۆمبیلێن هاوار هاتنی دێ‌ دخزمەتا ئاوارێن شەری ئازادكرنا مووسلێ‌ دا بن دێ‌ ئاواران چارەسەر كەن ل دەشتا نەینەوا هەكە حالەت تەنگاڤ بیت دێ‌ ڤەگوهیزن بۆ نەخۆشخانێن دهۆكێ‌ ب مەرەما چارەسەرێ‌.

گۆتژی:" ب پشتەڤانیی وهەڤكاریا ساخلەمیا دهۆكێ‌ هەموو بەرهەڤیێن شەری مووسلێ‌ دبواری ساخلەمیی دا هاتێنە كرن ئەم بەردەوام ل سەر خەتی نە بۆ چارەسەركرنا ئاوارێن شەری مووسلێ‌ وداخوازی دكەن زێدەتر پشتەڤانیی بهێتە كرن دبواری ساخلەمیێ‌ دا هەموو ریكخراوێن خێرخوازی و نێڤدەولەتی كار بكەن بۆ چارەسەریا ئاوارێن شەری مووسلی.












باسنیوز