رێڤه‌به‌رێ سه‌خبێرى و پاراستنا رێك و پرا ل پارێزگه‌ها دهۆكێ راگه‌هاند، تیرۆرستان گه‌له‌ك قه‌نته‌ر و پر و جاده‌ وێران و خرابكرینه‌، ئه‌م به‌رده‌وام چێ دكه‌ین و ل شوونا پرێن كونكرێتى ئه‌م پرێن ئاسنى ب شێوه‌كێ به‌روه‌خت ددانین و هه‌ر پره‌كا تیرۆرستێن داعش ب په‌قینیت، د رۆژێ دا دهێته‌ چێكرن ڤه‌.

ئه‌ندازیارێ شاره‌زا دێوالى حه‌مێ بریندار دیاركر، ئه‌و جادێن ئه‌م چێ دكه‌ین، نه‌ ل دووڤ سالۆخه‌تان و ئه‌ندازیارى نه‌، هه‌ر ژ ده‌ستپێكا شه‌رى هه‌تا نوكه‌ ب ده‌هان كیلومه‌ترێن جادان یێن هاتینه‌ دروستكرن بۆ پێشمه‌رگێ قاره‌مان ل به‌رۆكێن شه‌رى و گۆت ژى: چه‌په‌رێن به‌ره‌ڤانیێ ئه‌م بۆ پێشمه‌رگه‌ى دروست دكه‌ین، هه‌ر ژ خازرى هه‌تا دگه‌هیته‌ شنگال و جادێن پێدڤى ژى بۆ هه‌موو چه‌په‌رێن پێشمه‌رگه‌ى هاتینه‌ دروستكرن.

گۆت ژى: پرا كونكرێتى یا ئاسكێ نه‌ینه‌وا ژى هاتبوو په‌قاندن دریژاهیا وێ 67 مه‌تر بوون، ل شوونا وێ مه‌ جاره‌كا دى پرا ئاسنى یا دانایى د ماوێ 22 رۆژان دا مه‌ چێكر و گۆت: تیمێن رێڤه‌به‌ریا رێك و پرا به‌رده‌وام ل گه‌ل پێشڤه‌چوونێن پێشمه‌رگه‌ى دانه‌ بۆ چێكرنا جاده‌یان و دروستكرنا پرا، هه‌تا نوكه‌ هنده‌ك فه‌رمانبه‌رین مه‌ هاتینه‌ شه‌هیدكرن و دۆرین 20 ئالیاتێن مه‌ یێن هاتینه‌ ژناڤبرن.














باسنیوز