رۆژی پێنج شەمە، دوابەدوای دیداری نێوان وەزیری هاوکاری مرۆڤی و ئەیوب کارا ئەندامی کوردی پەرلەمانی ئیسرائیل و نوێنەری حکومەتی هەرێم دکتور ئیوا نەجمەدین لە ئورشەلیمی پایتەختی دەوڵەتی ئیسرائیل، رێککەوتنێک لە سەر دروستکردنی نەخۆشخانەیەکی چارەسەری بۆ منداڵانی کوردستان، لە لایەن نەخۆشخانەی وۆلفسۆن(کۆمەڵگای چاودێری منداڵان) لە شاری هۆڵۆنی ئیسرائیل تۆمارکرا.

جێگیری سەرۆک وەزیرانی ئیسرائیل لە چاوپێکەوتنەکەدا بە پێی هەواڵیکی پێگەی ئارانیوز، ووتی: من ئەم هەنگاوە بە شێوەیەکی کاریگەر دەبینم و هاوکارییەکان و چالاکییەکانی وەزارەتی هاوکارییە مرۆڤییەکان بۆ کاری هاوکاری مندالانی هەموو نەتەوەیەک بە بێ جیاوازی بۆ گفتگۆ کردن لە سەر کۆنترۆلکردنەوەی پەرگری و هۆگری ئاینی، لە لایەن سەنتەری نەخۆشخانەی وۆلفسۆن(کۆمەڵگای چاودێری منداڵان) ئەنجام دەدرێن. من هەموو هەوڵەکانم بە شیوەیەکی بەرچاو و کاریگەر دەخەمە گەڕ بە کردنەوەی نەخۆشخانەیەک لە هەولێری کوردستان و هەروەها ولاتانی تر لە ناوچەکە. ئەوانە هەموویان لە بە رهەستی مرۆڤ دۆستانەیە بۆ میلەتانی سەربەرز و ئازا کە تامەزرۆی سەربەخۆیان هەیە و ئێمە وەو کوردەکان بروای تەواومان بە مرۆڤدۆستی هەیە.

هەر لەم بارەیەوە، عامر عەتۆ چالاکڤانی کوردانی ئیسرائیل گوتی: جڤاکی مرۆڤ دۆستانەی ئیسرائیلی تاکو ئێستا دڵی هەزاران مندالی لەم سەنتەرە و لە نەخۆشخانەی نەخۆشخانەی وۆلفسۆن لە شاری هۆلۆنی ئیسرائیلەوە نەجات داوە و ژیانی دوبارەیان پێبەخشیوە، و ئەم چالاکییە لە کاتەکدا هاتە بەرچاومان کە دکتور کۆهێن دوو مناڵی لە ئیتیۆپیا بینی بوو کە پیویستیان بە چارەسەری بوو و بریارمنا دا بە شێوەی خۆبەخشانە ئەم مندالانە لەم سەنتەرە چارەسەر بکەین.

هەروەها رایگەیاند: ئەوە بووە هۆکار کە لە ئاکامی کۆبوونەوەی نێوان ئەندام پەرلەمانی کوردی ئیسرائیل ئەیوب کارا لەگە ئیوا نەجمەدین نوێنەری کوردستان لە ئۆرشەلیم بریارمان دا بە پەرەپێدانی ئەم کارە مرۆڤدۆستانە و کردنەوەی نەخۆشخانەیەکی دڵ لە هەولێر، کە ئەمە بە واتای ئەوە دێت کە پەیوەندییەکانی مرۆڤدۆستانە لە نێوان هەولێر و جیهان و ئیسرائیل پتەوتر بوونە. ئەم هەنگاوە دەشیێت کە برینەکانی مندالانی بەرکەوتوو لە جێنوسایدی هەلەبجە کە لە لایەن حکومەتی بەئثەوە لە سالی ١٩٨٨ رویدابوو، و هەروەها ئەو مندالانەی ک لەم رۆژانەدا روبەرووی بواری دەرونی تیرۆر و ئیرهاب بونەتەوە، بە تایبەت مندالانی شنگال، کەم بکرێتەوە.

حتۆ، ووتەکانی بەمە کۆتایی هێنا کە ئەم کارە بە روداوێکی مرۆڤی دەناسێندرێت و بە هەنگاوێکی نوێ بۆ ناساندنی مندالانی هەرێمی کوردستان و بەرەو پێش خستنیان لە ئاستی جیهانی نرخاند و دەبێتە دەرگایەکی نەتەوەیی بۆ سەربەخۆ بوونی دەولەتی کوردستان.

بە هەزاران مندال لە نەخۆشخانەکانی هەرێمی کوردستان لەبەر نەبوونی پێویستی و ئاستی زانستی و بسپۆر لە رەنج دان و ئێمە ئامادەین بۆ هەموو جۆرە هاوکارییەک کە بەرپەرچی ئەم ئاریشانە بدەینەوە.



رۆژانەهەوال