نووسینگەی کۆچ و کۆچبەرانی شاری سۆران ھاوکاری دەگەیەنێتە ئەو کۆچەرانەی لە سنووری حاجی ئۆمەران بەھۆی تۆپبارانەکانی ئێران زیانیان بەرکەوتبوو.



مەغدید عەریف ئەحمەد، بەڕێوەبەری ناحیەی حاجی ئۆمەران راگەیاند، دوابەدوای تۆپبارانی سوپای ئێران بۆسەر کۆچەریانی دەوروبەری گوندی ئاڵانە لە سنووری شارۆچکی حاجی ئۆمەران، نووسینگەی کۆچ و کۆچبەرانی سۆران بڕێک خواردەمەنی و پێداویستییەکانی ماڵەوەی بەسەر زیانلێکەوتوانی تۆپبارانەکە، کە ژمارەیان 22 خێزان بوو، دابەشکرد.



رۆژی یەکشەممە 26ـی حوزەیرانی 2016، تۆپخانەکانی ئێران چەند ناوچەیەکیان لە سنووری حاجی ئۆمەران تۆپباران کرد و بە ھۆیەوە چوار کەس برینداربوون و ژماریەکی زۆری مەڕدارە کۆچەرەکانیش ئاوارەبوون و شوێن و ماڵەکانیان بەجێھێشت و زیانی زۆری مادی و گیانیان بەرکەوت.





باسنیوز