کادیرێکی یەکێتیی نیشتیمانیی کوردستان رەخنە ئێوارە خوانەکانی مەکتەبی سیاسیی حزبەکەی لە شاری ھەولێر دەگرێت و رایدەگەیەنێت، خەڵکی یەکێتی برسین و ئێوارەخوانەکانی مەکتەبی سیاسیش جمەی دێت.

ئیسماعیل شەمزینی، کادیری راگەیاندنی یەکێتی لە پەیجی تایبەتیی خۆی لە تۆڕی کۆمەڵایەتی فەیسبووک رەخنەی لە ئێوارە خوانەکانی حزبەکەی لە ھەولێر گرتووە و رایگەیاندووە، ”لەم مانگی رەمەزانەدا، بە سەدان خێزانی شەھید و کادیری بارودۆخیان خراپە، بەڵام لە مەکتەبی سیاسی ئێوارە خوان جمەی دێت”.

ئەو کادیرەی یەکێتی زیاتر نوسیویەتی و دەڵێ، ”یەکێک پێم بڵێت چەند خەڵکی ھەژاری شاری ھەولێری تێدابوو، چەند پێشمەرگەی گەڕاوەی بەرەی جەنگی تێدابوو، چەند خێزانی شەھیدی کەم دەرامەتی تێدابوو، جگە لە کۆمەڵێک مەسئول و پیاوەکانیان“.





رۆژانەهەوال