(جەعفەر ئێمینكی) جێگری سەرۆكی پەرلەمانی كوردستان، لەسەر پەیامەكەی (مەسعوود بارزانی) سەرۆكی ھەرێمی كوردستان لەبارەی بەرێوەچوونی كۆبوونەوەی پارت و لایەنە سیاسییەكانی كوردستان لەسەر دیاریكردنی چارەنووسی گەلی كوردستان دەڵێت، ‌ئێستا لە بەردەم دەرفەتێكی مێژوویداین، ئەمیش پێویستی بەوە هەیە كوردستانیان پشتگیر و پشتیوان بن بۆ سەربەخۆیی كوردستان و پرۆسەی ریفراندۆم بێتە ئەنجامدان و پارت و لایەنە سیاسییەكان پشتگیر بن بۆ پرۆسەی گشتپرسی.

لەسەر ئەم پەیامەی سەرۆكی هەرێم؛ (جەعفەر ئێمینكی) رایدەگەیەنێت، دەبێت پارت و لایەنە سیاسیەكان پشتگیر بن بۆ پرۆسەی ریفراندۆم، چونكە ئەمە داوای خەڵكی كوردستانە و ئێستایش كاتی دیاریكردنی سنووری كوردستانە و، پێویستە پشتیوانی پەیامەكەی (سەرۆك) بین بۆ هەوڵەكانی بۆ پرۆسەی بەرێوەچوونی ریفراندۆم و بڕیار لەسەر ئاییندەی خۆمان بدەین.









KDP