سەرۆکی هەرێمی کوردستان لە پەیامیدا داوا لە سەرجەم هێزە سیاسییە كوردستانییەکان دەكات لە زووترین كاتدا ڕێوشوێنی پێویست بۆ دروستكردنی كۆدەنگیی نیشتیمانی لەسەر پرسی ڕیفراندۆم و سەربەخۆیی بگرنەبەر و ڕێگە نەدەن ئەم پرسە بکرێتە قوربانیی ململانێی سیاسیی.



لەو چوارچێوەیەدا، ئەندامێکی سەرکردایەتیی حزبی شیووعیی کوردستان دەڵێ، ئێمە پشتگیری لە ڕیفڕاندۆم دەکەین و بە پرسێکی نەتەوەیی دەزانین.



دوێنێ هەینی (24.6.2016)، هاژە شێخ سلێمان، ئەندامی سەرکردایەتیی حزبی شیوعی، ی ڕاگەیاند" "ئێمە پشتگیری لە ئەنجامدانی ڕیفڕاندۆم بۆ دیاریکردنی مانەوەی گەلەکەمان لەگەڵ بەغدا، یان نەمانەوە و ڕاگەیاندنی سەربەخۆیی دەکەین".



ئەو ئەندامەی سەرکردایەتیی حزبی شیوعی پێی وایە، پرسی ئەنجامدانی ڕیفڕاندۆم نابێ ببەسترێتەوە بە ناکۆکیی ناوخۆیی لایەنەکان و پێویستە هەموان پێشوازی لێ بکەن، چۆنکە پەیوەندی بە چارەنووسی گەلی کوردەوە هەیە.



هاژە شێخ سلێمان گوتیشی: "ئەنجامدانی ڕیفڕاندۆم و سەربەخۆیی مافی گەلەکەمان و دەبێ هەموو لایەنەکان بە گرنگییەوە بڕوانە ئەو پرسە و تیکەڵ بە ململانێ و ناکۆکیی پرسە ناوخۆییەکانی هەرێمی کوردستانی نەکەن".








باسنيوز