سەرۆکوەزیرانی هەرێمی کوردستان دوو خانووی لە شاری هەڵەبجە بۆ دوو منداڵی ونبووی ئەو شارە کڕیوە کە لە ساڵی 1988ەوە لە خانەوادەکانیان دابڕابوون و لە 16-3-2016 بە کەسوکاریان شادبوونەوە.

لوقمان عەبدولقادر، سەرۆکی کۆمەڵەی قوربانیانی کیمیابارانی هەڵەبجە بە (تۆڕی میدیایی رووداو)ی راگەیاند: "نێچیرڤان بارزانی، سەرۆکوەزیرانی هەرێمی کوردستان دوو خانووی بۆ هەریەکە لە ئالان تۆفیق و چیا تەیب لە شاری هەڵەبجە کڕیووە، کە ئەوان پێشتر لە ماڵی کەسوکاریان دەمانەوە".

لوقمان عەبدولقادر گوتی:" هەریەکە لە خانووەکان بە بڕی 50هەزار دۆلار کڕدراون".

دوای 28 ساڵ مانەوە و دابڕانیان لە کەسوکاریان، ئالان تۆفیق و چیا تەییب، لە رۆژی 16-3-2016 لە رێگەی پشکنینی DNAیەوە بە کەسوکاری خۆیان شادبوونەوە، لەوکاتەوە تاوەکو ئێستا هەردووکیان لە ماڵی خزم و کەسوکاریان ماونەتەوە.




رووداو