مەکتەبی سیاسیی پارتی لە راگەیێندراوێکدا لە ژێر ناوی "وه‌ڵامێكی كورت و به‌كوردی بۆ نه‌وشێروان مستەفا" رایدەگەیێنێت: "به‌چه‌واشه‌كاری و تۆمه‌تی بێ‌ بنه‌ما و تێكدانی یه‌ك ریزی نێوماڵی كوردستانی گۆڕین ناكرێت"

لە راگەیێندراوەکەی مەکتەبی سیاسی پارتی کە رۆژی پێنجشەممە 16-6-2016 بڵاوکرایەوە، هاتووە: "به‌چه‌واشه‌كاری و تۆمه‌تی بێ‌ بنه‌ما و تێكدانی یه‌كڕیزی نێوماڵی كوردستانی گۆڕین ناكرێت، هه‌روه‌ها به‌ هه‌ڕه‌شه‌ و گوڕه‌شه‌كانیشتان گۆڕین ناكرێت".

مەکتەبی سیاسی پارتی هەروەها رایدەگەیێنێت: "هه‌روه‌كو له‌كۆن نه‌تان توانیوه‌ و بووه‌ به‌ گرێی ده‌رونی و له‌ 17ی شوبات و 23ی حوزه‌یران و 19 ئابیشدا پێتان نه‌كرا، دڵنیابن ئێستاش پێتان ناكرێت، بۆیه‌ باشترین گۆڕین ئه‌وه‌یه‌ كه‌ تۆ خۆت بگۆڕی و چیتر به‌و هزره‌وه‌ سیاسه‌ت نه‌كه‌ی".