دوای ئاوارەبوونیان بۆ ماوەی دوو ساڵ بڕیارە 390 خێزانی خەڵكی شارەدێی سەعدییەی سەر بە قەزای خانەقین بگەڕێنەوە شارەدێیەكەیان.

یووسف ئیبراهیم، بەرپرسی ڕاگەیاندنی قایمقامیەتی قەزای خانەقین، ئەمڕۆ سێشەممە 14ی حوزەیرانی 2016 ڕايگەیاند: "دوو ساڵ پێش ئێستا تیرۆریستانی داعش شارەدێی سەعدییەیان داگیر كرد و دواتر لەلایەن هێزەكانی پێشمەرگەوە رزگار كرا و ئێستا ژیان بۆ شارەدێیەكە گەڕاوەتەوە و قۆناغ بە قۆناغ ئاوارەكان دەگەڕێنەوە بۆ زێدی خۆیان".

گوتیشی" بڕیارە سبەینێ چوارشەممە 390 خێزان بگەڕێنەوە بۆ سەعدییە و قۆناغی گەڕانەوەی ئاوارەكان بۆ سەعدیە بەردەوام دەبێت.

شارەدێی سەعدییەی سەر بە قەزای خانەقین یەكێكە لە ناوچە كوردستانییەكانی دەورەوەی ئیدارەی هەرێمی كوردستان و لە كورد و توركمان و عەرەب پێكهاتووە.








باسنیوز