دوای ئەوەی بەهۆی کێشەی نێوان شوفێرانی هێڵی تەکسی حاجی ئۆمەران و پاسە گەشتیارییەکانی ئێران بۆ ماوەیەکی کاتی هاتووچۆی گەشتیاری لەسنووری حاجی ئۆمەران وەستا ئەمڕۆ هاتووچۆ لەو رێگەیە ئاسایی بووەوە.

سەرچاوەیەک لە سنووری نێودەوڵەتی حاجی ئۆمەران بە (تۆڕی میدیایی رووداو)ی راگەیاند، رۆژی یەکشەممە 22-5-2016 کۆنسوڵخانەی ئێران لەهەولێر پێدانی فیزای بە هاونیشتمانیانی هەرێمی کوردستان دەستپێکردەوە و هاتووچۆی گەشتیارانیش ئاسایی بووەتەوە.

ئەو سەرچاوەیە گوتیشی:" ئێستا گەشتیاران دەتوانن فیزای ئێران وەربگرن و 24 کاژێر لەو سنوورە گەشت بکەن بۆ ئێران و بەپێچەوانەشەوە لە ئێرانەوە بۆ هەرێمی کوردستان".

بەهۆی کێشەی نێوان پاسەگەشتیارییەکانی ئێران و شوفێرانی تەکسی هێڵی حاجی ئۆمەران، کۆنسوڵخانەی ئێران لە هەولێر ماوەی هەفتەیەک بوو پێدانی فیزای بە هاونیشتمانیانی هەرێمی کوردستان راگرتبوو.






روداو