به‌رپرسێكی حكوومه‌تی هه‌رێمی كوردستان زانیارییه‌ك سه‌باره‌ت به‌ ڕای كه‌سایه‌تییه‌ سیاسییه‌كانی ئه‌ورووپا له‌باره‌ی ڕاگه‌یاندنی سه‌ربه‌خۆیی كوردستان ئاشكرا ده‌كات.

دلاوه‌ر ئاژه‌گه‌یی، نوێنه‌ری حكوومه‌تی هه‌رێمی كوردستان له‌ یه‌كێتی ئه‌ورووپا له‌ په‌یجی تایبه‌تی خۆی له‌ تۆڕی كۆمه‌ڵایه‌تی فه‌یسبووك نووسیویه‌تی " ئه‌و ڕاستییه‌ ده‌ڵێم و جارێ هیچیتر" و زانیاری گرنگی سه‌باره‌ت به‌ ڕای به‌رپرسانی ئه‌ورووپا له‌ سه‌باره‌ت به‌ ڕاگه‌یاندنی ده‌وڵه‌تی كوردی ئاشكرا كردووه‌.

ئاژگه‌یی نووسیویه‌تی"کەسایەتی سیاسی زۆر لە ئەورووپا بەڵێنیان لێمان وەرگرتووە کە لە کاتی راگەیاندنی سەربەخۆیی کوردستان بانگێشتی کوردستانیان بکەین بۆ ئەوەی لە گەڵ گەلەکەمان بن لەو رۆژە مێژوویە".