بەرپرسی هەواڵگریی فەرماندەیی سپیلك لە میحوەری تەلسقۆف رایگەیاند، ئەمڕۆ لە سەعات 7ـی بەیانییەوە تا 12ـی نیوەڕۆ 40 خۆكوژی تیرۆریستانی داعش بە دەستی هێزی پێشمەرگەی كوردستان كوژران و، دوێنێش 20ـی دیكەیان لێ كوژران و ئێستایش رەوشی تلسقۆف ئارامە.

(مەرعان مەرعان)، بە ماڵپەری فەرمیی پارتی دیموكراتی كوردستانی راگەیاند: "داعش تووشی شڵەژانێكی زۆر هاتوون، ئەمڕۆیش لە بەیانیی سەعات 7ـەوە تا ئێستا 40 خۆكوژی داعش لە میحوەری تەلسقۆف كوژران و، لەسەر دەستی هێزی پێشمەرگە شكستێكی گەورەیان خوارد".

(مەرعان) گوتیشی: "دوێنێش تیرۆریستانی داعش 20ـیان بەدەستی هێزی پێشەرگەی كوردستان لێ كوژران، لە دوێنێیشەوە تا ئێستا كە بۆ ماڵپەری فەرمیی پارتی دەدوێم، 60 تیرۆریست كوژراون و ژمارەیەكی زۆری پێداویستیی سەربازییشیان كەوتووەتە دەست هێزی پێشمەرگە".







KDP